Konterien e brezhoneg : kan ar bobl gant 7 konter, plijadur ha liesseurted

Ma vefe brezhoneg saourus Traoñ Kerne, braventez sorbiennoù dastumet gant Mari Harnay ha kontet gant Padrig Drean, bugale Skol Diwan Kemperle, Vincent Bothua, Paotr Radio Kerne Bouard... plijadur zo bet !

Adlañset e oa bet e Pondi ur «gwir» gonkour gonterien . Evit ar c'honkour diwezhañ, ne oa 'met ur c'honter, Fulup Kere ec'h anv. Ar wech-mañ, konterien e gallaoueg ha konterien brezhoneg oa rampo : ken kaer ha liesseurt an istorioù. Gant ar vrezhonegerien koulskoude e oa ur strollad bugale Skol Diwan Kemperle, o kontañ al labous aour, ur gontadenn bro Baod, kontet gwechall gant Jude le Paboul.

E gallaoueg e oa bet trec'h Maurice le Dourneuf, a gont un dra ijinet gantañ pep bloaz, ur blijadur d'e selaou, tener ha fromus war un dro.

E brezhoneg e oa Padrig Drean, heuliet a dost gant Jos Goapper ha Patrick Le Brun. Trugarez ivez da Vincent Bothua evit an istor bet kontet gwechall e Kan ar bobl, e gwenedeg, ha da baotr Radio Kerne, aotrou Bouar, gant ur brezhoneg bro Kemper deus ar re wellañ : «Dañjerus eo komz galleg».

Gant ma vo ar rouedad konterien o kreskiñ tamm ha tamm evit mont da gontañ e forzh peseurt festival, gouel, fest noz...