Krouiñ, skrivañ e brezhoneg : perak ne vez ket muioc'h a draoù nevez ? Pluennoù nevez ?

Daou skrivagner, Maina Mallejac, skrivet ganti he eil PaV, ha Paskal Hervio, ur skrivagner boaz da ginnig levrioù d'ar re yaouank

Daoulagad ar werc'hez, un danevell sinet Malo Bouessel du Bourg (383 vues)

Un tammig evel an islandeg eo ar brezhoneg. Nebeut a lennerien, ur best seller a vez graet eus ul levr tizhet 300/500 lenner.ez gantañ-ti.

Neuze penaos ober evit ma vefe lennerien ha lennerezed e brezhoneg ? Sketchoù berr war Internet evel Flapakarr ? Klipoù sonerezh ? Splujañ el lenn evit dizoleiñ bedoù nevez, avañturioù, beajiñ en amzer, en em lakaat e kroc'hen un den all ? Ha ma vefe skolaerien, kelennerien, tud deuet lennerien ivez ? Diaes da c'houzout ar rak hag ar perag, met poent eo kavout pluennoù nevez, tud yaouank ha kozh a lak o startijenn asambles evit ar blijadur da lenn, da eskemm, da skrivañ e ateieroù, da rannañ gant bugale a bep seurt oad ar c'hoant da c'houzout hiroc'h gant fent ha from.

Deuit disadorn da 10e30 e sal ar C'hleub e Karaez gant skrivagnerien evit ar yaouankiz, kelennerien, tud dedennet gant dazont al lenn e brezhoneg.

■

Tweet