E saloñs al levrioù e vo prest ar pevar levrig Priz ar Vugale, skrivet gant Myriam Guillevic (pennad kentañ en enrolladenn a gevret), Marie-Françoise Castric, Laurence Lavrand, Pierre-Emmanuel Marais.
Penaos kemer perzh gant ho klasad ? O lakaat hoc'h anv e Keit Vimp bev dre bostel pe dre lizher. Mod-se ho po ar pakad da gas en dro d'ar skol war lerc'h. Goude c'hwec'h miziad lenn gant ho klasad, e c'hell ar vugale votiñ evit o levr muiañ karet. Hag ar skrivagnerien a vo laouen d'ho kwelet. Pierre Emmanuel kentoc'h e bro Naoned, Myriam e bro an Oriant ha Gwened, ha Laurence e bro Kemper.
Tri istor hanter faltazius hanter gwir (korriganed, tud kevrinus e kreiz Paris...) hag unan tost ouzh ar bed gwirion gant Gaza ha bro Euskadi...
Al levrioù :
- Prizoniad ar gorriganed, Laurence Lavrand ;
- E kef ar wezenn velen, Myriam Guillevic ;
- Gaza, Pierre-Emmanuel Marais ;
- An tad eizh brec'h, Marie-Françoise Castric.
Embanner : Keit Vimp bev, Laz
Evit lakaat hoc'h anv, ha gouzout penaos gourc'hemenn anezho, sellit ouzh ar pezh stag.
■0