Paskal Hervio, globe trotter ha skrivagner

Tamasheg, Bro gozh Mamadou : daou romant evit beajiñ tramor, en Afrika, gant arrozed fentus

ABP - Pet levr 'peus skrivet evit PAV ha PAY ?

Peseurt hini 'n deus roet dit ar muiañ a blijadur ?

Ar muiañ a labour ?

Paskal- Va eil romant evit PAY a zo embannet er miz-mañ. Un heuliadenn eus an hini kentañ eo, met ne vo ket ret bezañ lennet “Tamasheq !” evit kompren “Bro-gozh Mamadou”.

Plijus 'm eus kavet skrivañ an daou, na petra ! Bremañ, avat, e skrivan buanoc'h hag aesoc'h ivez.

ABP - Ha tro 'peus bet da vont e darempred gant ar re yaouank ? Er skol ? Er skolaj ?

Paskal - Ya, bet on bet e skol Diwan Lesneven, e skolaj Diwan Gwiseni hag e skolaj publik Henri Wallon e Lann er Stêr.

Fromet on bet gant skolajidi zo. Lennerien ha barnerien-skrid ampart a vez kavet er skolajoù avat !

ABP - Peseurt raktresoù zo war ar stern ganit ?

Paskal- Kenderc'hel a ra “troioù-kaer Fili en Afrika”. Emaon o skrivañ un trede levr gant ar memes tudennoù. An hini diwezhañ e vo marteze eus ar rummad-se. Marteze ket !

ABP - Ha lennet' peus levrioù all PAV ha PAY ?

Peseurt re 'peus kavet ar re wellañ ?

Paskal - Meur a hini 'm eus lennet, evel-just ! Ar skrivagner m'emaon a gustum labourat e-unan, evel an darn vrasañ eus ar skrivagnerien. Hag abalamour da se e soñjan eo ar romant emaon o skrivañ bremañ ar gwellañ levr a vo er bed, sur, ha n'eo ket marteze ! Evit respont siriusoc'h a rankan anzav n'on ket bet displijet morse gant romantoù Mai-Ewen. Brav e kavan e skridoù leun a varzhoniezh.

ABP- Deiz ha bloaz ar priz : petra 'pije c'hoant da lavarout d'an aozerien ?

Paskal - Mat 'peus graet tudoù ! Trugarez deoc'h... Kendalc'hit, inch Allah !