Marine, ma ne blij ket dit hor bro, skamp kuit !
D'ar 21 a viz genver 2007 e kerz abadenn Riposte «Allons enfants de la Patrie» e kadarnas Marine Le Pen he stourm a-enep da Vreizh ha d'ar sevenadur breizhek. Lavarout a reas, o keñveriañ Breizh hag ar Vrezhoned ouzh an enbroidi eus tu all ar mor Kreizdouar, e vefe arvarus evit ar republik c'hall distreiñ d'an divyezhegezh e Breizh.
E 2010, petra eo soñj Marine le Pen diwar-benn an divyezhegezh e Breizh ?
E Noal-Kastellan e vo Marine le Pen d'an 11 a viz Du. N'eo ket bet dibabet an deiziad-se dre zegouezh a dra sur. E drevadennouriezh a vez kadarnaet amañ gant he strollad. Evidomp eo ur gwir atahin lidañ mod-se ar Brezel Bed Kentañ a goustas d'ar Vrezhoned 240 000 den marv, aberzhet war aoter ar « vroad » c'hall, ha gallekadur ar vro a gendalc'h hiziv an deiz gant meizad an « hevelepted vroadel » c'hall a ya a-enep d'hor breizhadelezh.
Daoust hag-eñ eo Marine le Pen, a gadarn hec'h emzalc'hioù a-enep d'ar panelloù divyezhek e Breizh, un defi pe mazo evit dibab lidañ an deiziad-se e Breizh a zo bet divyezhek a-viskoazh ?
Daoust-hag-eñ e vez nac'het gant marine Le Pen, a c'houlenn groñs an diuz broadel koulskoude, gwir ar Vrezhoned da saveteiñ o breizhadelezh hag o sevenadur kentoc'h eget disoc'h an hollvedouriezh c'hall ?
Ret e vo da vMarine le Pen en em zisplegañ e Noal-Kastellan d'an 11 a viz Du a zeu.
Marine, ma ne blij ket dit hor bro, skamp kuit !
Na heñvelaet, nag enteuzet, Brezhoned omp !
■