Ha c'hwi, votiñ a rit ar raktres lezenn diwar ar yezhoù rannvro er vodadenn vroadel d'ar 14
Sed aze ar gemennadenn zo bet kaset d’an holl gannaded e Breizh diwar ur raktres lezenn evit ar yezhoù bihanniver a vo kinniget gant ar c'hannad Paul Molac.
Tremen a ray ar raktres lezenn er vodadenn vroadel d'ar 14 a viz Genver.
Evit ar strollad Ai'ta! eo ar raktres lezenn-mañ, 5 mellad enni, ken bihan eo, ur seurt Plan B evit ar yezhoù bihanniver e Frañs hag evit ar brezhoneg e Breizh .
Ur respont ha marteze un diskoulm, ken treut m'emañ, goude nac'hadenn votiñ al lezenn evit gwiriekaat karta Europa ar yezhoù rannvroel gant ar sened d'an 28 a viz Here.
Nac'het eo bet 3 eus ar 5 mellad er raktres lezenn gant bodad sevenadurel ha deskadurezh d'ar 16 a viz Kerzu dija.
Gervel a reomp neuze , ni strollad Ai'ta!, an holl gannaded Breizh da vont da Bariz evit votiñ ar raktres-lezenn en he fezh ha diskwel int tud d'o ger !
■