FNAC: ne pas tomber dans le panneau
Reportage publié le 30/05/11 8:38 dans Cultures par Mark Kerrain pour Mark Kerrain
FNAC Roazhon. Pell zo n'oan ket bet. Ha me mont dec'h. Dilojet e oa ar stal, n'em boa ket kavet an ti rak-tal, e mil-hent-dall ar stalioù. Klevet em eus e oa panelloù brezhonek. Pa oan erruet e oan bet ur pennad a-raok gwelout an hini kentañ: “levrioù”. Marteze ez eus re all, met daoulagad fall am eus.
Klask a ran korn al levrioù brezhonek. Gwelout a ran ur skritell “Bretagne”, n'eo ket Breizh: arabat kas an divyezhegezh re bell memes tra. Ne gavan mann. Goulenn a ran pelec'h 'mañ al levrioù brezhonek. « Anaout a rit « les bretonnismes » ? eme ar plac'h ? –Levrioù brezhonek a glaskan, a respontan. Gant un titl e brezhoneg, ha pajennoù e brezhoneg. – N'eus ket . Kenavo » Kenavo d'ar FNAC. Hep distro.
■
Vos commentaires :
Steven Le Calvez
Samedi 23 novembre 2024
Evel-just n'eus ket trawalc'h a vrezhoneg, anat d'an holl. Bremañ ez eus un tamm muioc'h eget e Virgin, Forum, Fayer et Larcher, Cultura... Gortoz a ran pennadoù Mark Kerrain war ar stalioù-se...
Stounk
Samedi 23 novembre 2024
feuket eo MK kar n'en deus ket gwelet e levrioù dezhañ, skrivet dindan e bluñv dezhañ, un dristidigezh me lar deoc'h ! emsav e vije dezhañ digeriñ stalioù dindan e anv ha n'eo ket mont da glask afer ouzh ar re all, bretonnismes hag e-se...
mark kerrain
Samedi 23 novembre 2024
Aotrou dizanv, pell zo e tarempredan ar stalioù-levrioù, hag anaout a ran ar c'hemm etre ul levr gallek hag unan brezhonek,evel kalz a dud ; ma ne rit ket, eo peogwir ne gomprenit ket pezh zo 'barzh?
Mark Kerrain
Samedi 23 novembre 2024
Steven: ne gavez ket un tamm iskis ur stal levrioù gant panelloù brezhonek hep levr brezhonek ebet?
Francis Salaün
Samedi 23 novembre 2024
Ret eo deoc'h gouzout n'eo ket aes tamm ebet mont en-dro ur stal bras evel ar FNAC evit degemer al levrioù. Ret eo d'al levr bezañ degemeret en un doare broadel, ha n'eo ket a-stal da stal !
Setu perak n'eo ket anat lakaat levrioù en hor yezh da vont e-barzh, hag ur gwir dipit eo eta ! Met o c'houlenn hag o lakaat gwask n'eus abeg ebet ne vefe ket posubl dont a-benn e fin ar gont.
A galon,