Eilvet Festival Teatr Brezhonek a vo adalek an 12 betek ar 26 a viz Even 2010. Kalz abadennoù a vo e Kerne Su.
Plijout a ra deoc'h klevout, selaou, komz brezhoneg : arabat deoc'h mankout an emgav-mañ neuze. Bep daou vloaz e vez lakaet strolladoù c'hoariva war al leurenn e-koulz ur festival evit hor plijadur.
Deuit d'ar Festival tudoù evit antreal en ur mekanik iskis a lako ac'hanoc'h da veajiñ en amzer dremenet betek bremañ ha pelloc'h c'hoazh. Tro ho po da glevout ar pouez-mouezh kanus okitanez, da vont da Iliz Veur Sant Kaourantin er grennamzer, da weladenniñ ur c'habaret espar, da welout un emgann etre aeled hag an diaoul, da heuliañ un enklask polis, da gemer perzh en un eured droch, da zizoloiñ tud diwriziennet. Deuit tre tudoù er mekanik-mañ ma ho peus ar galon...
Evit gouzout hiroc'h kit war al lec'hienn internet (voir le site)
■