Salud deoc'h holl,
Ur miz zo oa bet savet COCA Kreiz Breizh a-benn sikour listenn Ekologiezh Europa a zo war ar renk evit votadegoù Europa.
An dra gentañ zo bet savet ganeomp eo ober war-dro donidigezh Yannick Jadot e Kreiz Breizh, d'ar merc'her 15 a viz Ebrel. E-kerzh an devezh-se en doa graet e droad asambles gant Mona Bras, hi kuzulierez rannvro Breizh ha mouezh UDB - Unvaniezh Demokratel Breizh-. Gwelet an traoù war an dachenn hag embann o soñj diwar-benn politerezh al labour-douar en Europa a zo bet graet gante e-kerzh an devezh-se.
E-giz-se o doa bet tro da welet ur gwenaner e Trabrivan evit komz diwar-benn stad mantrus ar gwenan da heul al louzaouiñ chimik a vez graet er parkeier. Kejet o doa ivez gant tud ar gevredigezh « Sous le vent, les pieds sur terre ». Ar gevredigezh-se a stourm a-enep ar raktres sevel ur c'hraou industriel evit genel moc'h bihan e Trabrivan. Bez 'oant bet ivez o weladenniñ lise Diwan Karaez. Eno o doa kejet gant renerien ha kelennerien zo eus al lise. Ar re-se o doa displeget dezhe : pegen diaes eo kas war-raok ur gelennadurezh a galite en brezhoneg gant lezennoù ar Stad... An Doktor Roudaut, prezidant komite difenn ospital Karaez, en deus digaset da soñj dezhe e ranker kaout servijoù yec'hed tost eus an dud memes war-ar-maez pa ne vez ket kalz a dud o chom ken.
Da noz ouzhpenn kant den a oa en em vodet evit ur meeting-diviz e koc'hu Karaez.
A-benn kenderc'hel gant al labour war an dachenn ha sevel obererezhioù nevez hon eus ezhomm eus soñjoù ha skoazell an holl dud a soñj dezhe eo a-bouez ar menozioù a vez difennet gant Ekologiezh Europa
Neuze e pedomp ac'hanoc'h d'un emvod a vo dalc'het e Rostrenn d'ar yaou 7 a viz Mae e sal ar feunteun da 8e 30 noz.
Evit COCA Kreiz Breizh : Herve ar Gall
■