Lid-sinañ roidigezh al label live 1 ha sinadur ar garta Ya d'ar brezhoneg a-benn tapout al label live 2 gant kêr Wened a oa bet aozet d'ar Sadorn 8 viz Kerzu dirak an Ao. Goulard, kannad ha maer, prezidant tolpad-kêrioù Bro Gwened, an Ao. Gabriel Sauvet, eilmaer e karg eus ar sevenadur, an Ao. Lucien Jaffré, eilmaer e karg eus ar c'helenn, hag an It. Lena Louarn , prezidantez Ofis ar Brezhoneg.
Testeniekadur live 1 ar garta Ya d'ar brezhoneg a zo bet roet da gêr Wened evit meur a ober graet mat ha penn-da-benn. Bep bloaz e vez brudet ar c'helenn brezhoneg d'an dud deuet. Panelloù divyezhek a zo bet staliet war bep hent da vont e-maez pe e-barzh ar gumun. Lec'hienn Internet Gwened a zo ur skouer eus ar pezh a c'heller ober : 4 yezh a zo kinniget hag ar brezhoneg a zo par d'ar yezhoù all (150 pajenn lakaet e brezhoneg (voir le site) Ur skoazell argant hag ur skoazell deknikel he deus roet kumun Gwened d'an hentadoù divyezhek.
Ur gevrat kefridi nevez a zo bet sinet da-geñver engouestl ar gumun davit live 2 ar garta.
Kadarnaat a ra Kuzul-kêr Gwened gant ar c'henemglev nevez-mañ e youl da vont war-raok gant 5 ober nevez da gas da benn dindan 3 bloaz : pedadennoù divyezhek evit an abadennoù sevenadurel aozet gant an ti-kêr ; kemennadenn war responterez an ti-kêr; panellerezh divyezhek er savadurioù dindan e zalc'h; glad ar gumun war wel en div yezh; kinnig d'an dud nevez eurediñ e bezhoneg.
Ret eo lavaret ivez emañ kêr Wened er penn a-raok e-touez kêrioù Breizh evit an niver a vugale skoliataet er skolioù divyezhek (tost da 600 bugel er bloaz-mañ hag ouzhpenn 1000 e korn-bro Gwened).
■