Distro ar bodadoù lenn e Ti ar Vro Kemper Roet e oa bet lañs warlene da zaou vodad lennerien e Ti ar Vro Kemper e 2006. Deuet eo ingal un ugent den bennak evit eskemm tro dro d'ar blijadur o deus da lenn evit lod ha da zeskiñ lenn evit lod all. Adkroget e vez e miz Here.
1/ Ar bodad kentañ a lenn hag a ziviz diwar ul levr bep miz Gant ar skipailh kentañ e vez dibabet asambles ul levr beb miz, a-beb eil unan klasel pe embannet a-gozh hag unan nevez deuet er-maez. Kaout plijadur o lenn, o adlenn, o tizoleiñ levrioù hag o eskemm sav-boentoù setu aze pal ar bodad-se. D'ar Merc'her 17 a viz Here e vo ar bodad-lenn kentañ, da 8 eur noz e Ti ar Vro Kemper. Divizet e vo diwar-benn « Avel Gornog » gant Yann BIJER, embannet gant Al Liamm.
2/ An eil bodad a ginnig mont war raok gant an deskiñ lenn Kinniget e vez d'ar vrezhonegerien a vihanig deskiñ lenn ha kaout plijadur o tizoleiñ pennadoù kazetennoù, pennadoù romantoù pe kanaouennoù… An emvod kentañ evit adstaliañ ar bodad a vo d'ar Merch'er 24 a viz Here, da 8 eur noz e Ti ar Vro Kemper.
Goulennet e vo digant ar re a gemero perzh bezañ ezel eus Ti ar Vro Kemper ha peañ o skodenn evit 2008. Evit kaout muioc'h a ditouroù : TI AR VRO KEMPER 3, plasenn Familh Gabaï, straed Jean Jaurès 29000 KEMPER – 02 98 90 70 43 - tiarvro-kemper@wanadoo.fr
■