JUSTIS EVIT AR BREZHONEG – JUSTIS EVIT DIWAN
Abaoe tregont vloaz bremañ ez eus re yaouank o teskiñ brezhoneg er skolioù Diwan. A-bouez bras eo kenderc'hel start gant al labour-se rak gouzout mat a reer eo gant ar re yaouank da gentañ-penn e vo dalc'het bev ar yezh. Ni, re yaouank bet skoliataet e Diwan ha bodet er gevredigezh Diwanet, a c'halv da vanifestiñ asambles gant Diwan, d'ar sadorn 31 a viz Meurzh 2007. An emgav-se a vo un doare da lakaat ar brezhoneg da vont war-raok. Desket eo bet brezhoneg ganeomp e Diwan hag hiziv-an-deiz e kendalc'homp da implijout hor yezh ar muiañ ma c'hellomp. Perzhioù mat Diwan, hag en o zouez ar soubidigezh, a zo anavezet mat ganeomp hag o deus graet ac'hanomp brezhonegerien. Ouzhpenn-se e fell deomp gwelet re yaouank all o resevout ar yezh er memes mod ha ma'z eo bet evidomp. En ur ziazezañ Diwan war ur statud publik o toujañ da spisverkioù ar c'helenn e Diwan e c'hellfe kement-se bezañ graet. D'hor bugale ivez hon eus c'hoant da reiñ kement ha m'hon eus ni resevet e Diwan ha gant Diwan. Evit ma vefe komzet brezhoneg c'hoazh gant ar re yaouank en amzerioù da zont, e pedomp ac'hanoc'h da vont niverus d'an Oriant d'ar sadorn 31 a viz Meurzh, adalek 3 eur, war blasenn an Ti-Kêr. Holl asambles, goulennomp justis evit ar Brezhoneg, justis evit Diwan. Neuze deuit niverus en Oriant. Tu vo deomp en em strollañ dindan giton nevez Diwanet.
E anv Diwanet Ar c'huzul-merañ.
Cela fait désormais trente ans que des jeunes apprennent le breton dans les écoles Diwan. Il est d'une importance vitale que ceci continu, car nous le savons, c'est à travers les jeunes que la langue vivra. Nous, les anciens élèves de Diwan, rassemblés au sein de l'association Diwanet appelons à manifester tous ensembles le samedi 31 Mars 2007. Nous qui avons appris le breton à Diwan et qui continuons aujourd'hui, à utiliser le plus souvent possible notre langue connaissons bien les spécificités de l'enseignement à Diwan et parmi celles-ci l'immersion, qui a fait de nous des bretonnants. De plus nous souhaitons voire le maximum de jeunes recevoir la langue comme nous y avons eut le droit. Ceci serait possible en reconnaissant un statut public respectueux des spécificités de l'enseignement des écoles Diwan. De même nous voulons transmettre à nos enfants autant que nous avons nous reçus à Diwan et par Diwan. Pour que dans le futur les jeunes parlent encore breton, nous vous invitons donc à venir très nombreux à Lorient le samedi 31 Mars 2007, à partir de 15h00, place de la Mairie. Il y aura une banderole Diwanet dans le cortège et nous invitons tous les anciens élèves à s'y rassembler.
Tous ensembles demandons « Justis evit ar brezhoneg, justis evit Diwan».
Au nom de Diwanet Le conseil d'administration
■