Dibunadeg veur : 44 den a-dreñv giton Breizh 5 departamant ! (Bretagne Réunie à la Grande parade de Lorient)

Ne oa ket bet skignet er skinwel, met dre voneur e oa bet tapet skeudennoù evit un dra istorel, poblek, brav ha simpl

Deuet e oant gant ur banniel evit pep hini ha dilhad gwenn ha du, 44 den, war pemp linenn, o tiskouez a-hed ar straedoù pemp biz ur vro en dije adkavet ur gwir dorn. Kroget d'ar 68vet plas,

souezhus e oa an degemer evit ar strollad, tud laouen ha loc'h enno. Dirak strollad Breizh Unvan e oa bagad Naoned. Un arrouez, ha degemeret mat ivez ar strollad gant an dud a zisplege dre ar vikro piv oa o tremen. Poent e oa kavout ur gwir plas er FIL evit diskouez ne c'hell ket bout ur stourm sevenadurel hep komz diwar benn unvaniezh Breizh...