D'ar Sadorn 3 a viz Meurzh 2007 - Kreizenn sokiosevenadurel ar Forest-Fouen - Azalek 2 e goude-merenn : Peseurt c'hoariva brezhonek warc'hoazh ?
Diwar intrudu Bob Simon e 2003 ez eus bet krouet ur gevredigezh nevez, C'hoariva hec'h anv, e miz Meurzh 2005. Enni e kaver lod eus ar strolladoù c'hoariva a weler war leurennoù Breizh. Tri fal a zo bet lakaet dezhi : stummañ ar c'hoarierien hag an deknikourien, sikour aozerien an abadennoù a-benn kinnig aliesoc'h ar pezhioù, hag embann testennoù nevez. War-lerc'h kollok Kallag e oa poent d'en em soñjal war an hent graet abaoe, un hent digoret a-nevez d'ul lodenn un tamm lakaet da gostez pa geñverier gant an dañs hag ar muzik.
Se 'zo kaoz eo bet pedet c'hoarierien, skrivagnerien, klaskerien ha dilennidi da gaozeal diwar-benn pevar dem pennañ : - Skrivañ testennoù - Leurenniñ ha rikoù - Pelec'h c'hoari - Skignañ ha kelaouiñ
■