Kan ar bobl : mod pe vod, e vo kanet, kontet, sonet

Dibabet oa bet gant kuzul merañ Kan ar bobl kenderc'hel ganti, daoust da bep tra. Gallout a rit neuze lakaat hoc'h anv evit konkouriñ, dre abadennoù filmet er skolioù evit ar vugale hag ar grennarded, e lec'hioù diarvesterien evit ar re all.

A-drugarez d'an aozerien Kan ar bobl e vo graet 10 konkour lec'hel ha filmet an holl skolioù o dije c'hoant da gemer perzh e Kan ar bobl 2021. Penaos ober ? Mont e darempred gant unan eus an aozerien lec'hel evit gouzout penaos e vo graet. Filmet e vo ar skolioù o kanañ, hag e vo ur juri ba Pondi o tibab ar re wellañ.

Evit ar gonterien er skolioù e vo graet memes mod. Met tout ar re all, kanerien, sonerien, konterien gour a vo filmet e dek lec'h gant ur juri lec'hel a gaso filmoù ar re wellañ da Bondi.

Neuze, arzourien Breizh, adkemerit ho binvioù, prientit hardizh tonioù, istorioù, kanaouennoù evit kenderc'hel da vont war raok !

www.kanarbobl.org

06 84 45 06 28

kanarbobl@radio-bro-gwened.com