Filmoù-berr ha teulfilmoù da welet er mare-mañ war Brezhoweb
Brezhoweb a ginnig deoc'h Filmoù-berr ha teulfilmoù da welet e miz Here ha miz Du, ha digoust eo evel boaz.
4 film-berr, ha 4 zeulfilm a vo lakaet enlinenn war lec'hienn Brezhoweb a-hed ar mizioù, gant istitloù e galleg ma faot deoc'h. Hiziv eo bet lakaet enlinenn 2 film-berr ("FOG" et "Al Loen") hag un teulfilm ("Botoù-koad dre-dan").
Al Loen
Kouezhañ a ra ur mesaer yaouank 'ba un toull don satanazet, e-lec'h ma vez ul loen diaoulek hervez kont. Mont a ra gwazed ar gêriadenn da glask anezhañ, daoust d’o spont. Ur film berr e brezhoneg savet gant Filippo Meneghetti, istitlet e galleg.
FOG
Ul labourer douar kozh eo Czeslaw Bodrov, hag e vez graet "Polonais" outañ. Emañ o vevañ e-unan goude marv e wreg. Dimezet eo bet e verc'h gant ur paotr deus bro Azia, pezh ne blij ket dezhañ tamm 'bet. Ur film berr e brezhoneg savet gant Mads yt-Schniberg, istitlet e galleg.
Botoù-koad dre-dan
Er bloavezhioù 70, e fell d’ur vandennad tud yaouank a vro bagan, cheñch buhez ha cheñch ar bed. Brav a vefe d’o zud ma teufent da vezañ medisined, beleien pe ofiserien a vor. Int-i 'gav gwelloc’h dont da vezañ furlukined, bevañ ha labourat er vro. Beaj e bro o utopia pa savont strollad c’hoariva Ar Vro Bagan a zo o paouez lidañ e 40 vloaz.
■