Henbont : c’hoari mar-plij

Abaoe pell e soñje d’ar skipailh ti-kêr an Henbont mont war-zu an holl - annezidi pe douristed, bugale pe dud deuet - ha ne ouzont netra diwar ar yezh.

Ur c'hoari simpl ha digoust, evit an holl: annezidi pe douristed, bugale pe dud deuet

.

Ijinet eo bet ur c’hoari eeun-tre evit dizoleiñ gerioù boutin, un toullad gerioù ar bemdez, ha dizoleiñ petra e dalvezont, penaos int distaget (mat eo gouzout penaos ober gant an dialoulek c skrap h e brezhoneg , a gaver er ger c’hoari, evel-just?), ha skrivet (ya, ya, tudoù, posubl eo skrivañ e brezhoneg :-)…evel e yezhoù all, keta?). Ha dre-se reiñ un tañva eus ar yezh, ha rein lorc’h en he c’heñver.

Trede kêr ar Morbihan eo An Henbont (tro-dro da 18.000 annezad). Aketus eo an ti-kêr ouzh ar yezh (panelloù divyezhek e straedoù ar c’hreiz-kêr, e ti-gar, skolioù kentañ derez hag ur skolaj divyezhek ivez, lec’hienn ofisiel e pik bzh, hag un dra ral a-walc’h e Breizh: ouzh tal an ti-kêr , war well d’an holl, gêr-stur hon republik kaezh e brezhoneg mar plij Frankiz – Kevatalded – Breudeuriezh, ouzhpenn hini e galleg, anat deoc’h tudoù! :-)

Gant ma vo ur skouerenn evit kêrioù all…

.

Evit gouzout hirroc'h, lec'hienn ti-kêr an Henbont:

.

Notenn (d'an 30vet a viz Even)

Mersi braz d'hon lenner. Skrivet e oa bet ar pennad a-raok ma vefe adkavet al luc'hskeudenn. Ti-kêr an Henbont a zo ar gwir gantañ. Gwelout da skouer geriadur Al Liamm 2014.