Prest e vo al levrigoù 'benn nebeut !

« (voir le site) align=«left»>« align=»right" src=' (voir le site) width='150' height='113' />

A'ï eo poent soñjal er vakañsoù ! Ouzhpenn 50 kamp vakañs e brezhoneg hag e gallaoueg a vo aozet er bloaz-mañ gant 15 aozer disheñvel. Ar c'hampoù vakañsoù a ro tro d'ar vugale :

° da vevañ prantadoù kreñv ha fromus e brezhoneg hag e gallaoueg, ar pezh a zegas talvoudegezh d'ar strivoù a reont er skol

° da amprouiñ obererezhioù nevez (pone, surf, belo, kaiak, sirk…)

° da guitaat o familh ha d'en em gavout en ul lec'h azasaet evito gant tud yaouank mennet da brofañ dezho vakañsoù a-stroll a-feson

° da gavout o flas e-barzh ur strollad ha da vezañ emrenoc'h-emrenañ o kaout plijadur.

Bep bloaz e vez embannet levrig ar c'hampoù vakañsoù gant an UBAPAR. Disoc'h labour a-stroll an aozerien eo. 11 300 levrig a vo moullet er bloaz-mañ ha skignet e 280 skol divyezhek. Diaesoc'h-diaesañ eo evidomp skignañ al levrigoù-se abalamour d'an niver a skolioù o kreskiñ ha d'an diazamantoù da vont e-barzh ar skolioù degaset gant ar plan vigipirate. Setu perak e c'houlennomp sikour diganeoc'h evit ar skignañ. Un dornad kevredigezhioù lec'hel o deus asantet bezañ ur pont etre ar skolioù ha ni. Pedet oc'h gante da evañ ur banne kafe, da sellet ouzh ur filmig a-zivout ar c'hampoù vakañsoù, da gaozeal eus ar c'hampoù vakañsoù gant un aozer ha da dapout al levrigoù evit holl vugale ar skol e-lec'h m'emaoc'h o labourat pe e-lec'h m'emañ ho pugel. Baneoù kafe a zo bet raktreset evit ma teufe un den deus pep skol da glask al levrigoù, kaozeal gant un aozer ha sellet deus ur film war ar c'hampoù :

Ti ar Vro Treger Goêlo : 12 a viz Meurzh da 5e

Kreizenn Sevenadurel Gwengamp : 12 a viz Meurzh da 5e

Ti ar Vro Sant Brieg : 13 a viz Meurzh da 5e

Emglev Bro Douarnenez : 16 a viz Meurzh da 5e

Sal Trimaran e Loperc'het (gant Servij ar Yaouankiz Loperc'hed ha Ti ar vro Landerne) : 12 a viz Meurzh da 4e30