Remi Derrien enoret e Kerien

Deuet e oa gwreg ha mab bihan Remi Derrien, Lomig evit al lid a vez graet pep bloaz e koun paotr ar c'hoariva, ar radio hag an tele e brezhoneg

Joelle a gont istor he gwaz : "Ijinet oa bet gant Remi ur radio disheñvel, e brezhoneg evit ar vrezhonegerien. E stummadur e Paris en doa graet ar c'hontrol eus ar pezh oa bet desket dezho du-hont. Gouzout a ouie ar pezh a faote kaout ar selaouerien".

Pep bloaz e vez adkavet mouezh Remi, pe dre an abadennoù TV graet gantañ pe abadennoù radio. Met pell emañ Yann eus e gazeg : an holl "Kerent ha mignoned", da skouer a chom e Paris just a-walc'h ha diposubl eo kaout anezho en dro. Poent eo goulenn groñs kaout an dielloù-mañ evit adselaou yezh saourus tud ar vro enrollet gantañ, evit ma vefe aes da bep hini war ar rouedadoù sokial adstagañ gant brezhoneg hor "Jacques Chancel" broadel, hag e "radioscopies" gant ul live uheloc'h eget kazetenner kerbenn bro C'hall !