Kelenner e Calandretas eo Patrick Baccou, implijet e vez gantañ pedagogiezh Freinet bemdez. Ha dreist-holl evit mont maez eus ar c'hlas, met arabat «prenañ beajoù skol prientet gant tud all».
D'ar vugale neuze da brientiñ, da vont o unan 'maez ar skol, d'ober fazioù, kar diwar ar fazi e vez desket muioc'h eget gant ur bern traoù all, keit ma vo gwelet, ha difaziet buan gant ar skiant prenet o deus tapet.
Evitañ eo Daniel Gibert ur pedagogour pouezus en doa diskouezet statud ar fazi er pedagogiezh. «Caminante delungo», mont war an hent, bemdez, a-hed an amzer evit pas kouezhañ war an danjerusañ : ur prantad a vefe ar memes hini, evit forzh peseurt bugel, hep kemer e kont e c'hoant, e hent, e vuhez...
■