Kalevala ha Barzaz Breizh, Elias ha Theodore...

Brav an abadenn, gant ma vo e Breizh an holl dud o c'houzout kement tra a vez gouiet gant tud Finlande diwar-benn o sevenadur...

Kristina, Katell, Brigitte : teir c'hanerez, ur bandoneoñs, hag istor daou varzh, daou zastumer bet war an hentoù. E bro ar glav evit Kervarker, e bro an erc'h hag an noz evit egile. Un istor a gont deomp hon istor, istor div bobl, istor faltazi hag ijin broioù disheñvel o deus pep hini krouet ur bed, degaset d'ar bed ur binvidigezh ne c'heller kavout e lec'h all ebet. Selaouit hag e klevoc'h...