Nijet kuit, al labousig...

Aktourez a feson, konterez, Marie-Françoise Castric zo aet kuit, dija, skañv evel ar perzhioù graet ganti alies...

Kelennerez e oa bet e bro Kemperle. C'hoariva he doa graet gant Strollad Penn ar bed. Evit stajoù c'hoariva war ar prim e ouie souezhañ ar re yaouankañ gant doareoù dic'hortoz hag alies hardizoc'h eget o re. Kad da ijin meur a istor graet he doa bet meur a gonkour konterien, aet da Bondi gant daou istor : unan ijinet evit Taol Kurun hag egile,istor un tad gant "seizh brec'h" atav gant e urzhiataer, e I-pod, e voullerezh... Met amzer ebet evit e mab...

Brezhonegerez a-vihanig eus bro Vigouden hon eus kollet aze unan eus mouezhioù kaer Kerne...