Roet ez eus bet lañs da 16vet koulzad brudañ ar c'helenn d'an dud deuet e Klub ar gazetennerien e Roazhon d'an 8 a viz Gwengolo.

Communiqué de presse publié le 9/09/15 14:59 dans Langues de Bretagne par Visant Roue pour Office Public de la Langue Bretonne / Ofis Publik ar Brezhoneg. (OPLB / OPAB)
t:0

An it. Lena Louarn, besprezidantez Kuzul-rannvro Breizh ha prezidantez an Ofis Publik hag an ao. Fulup Jakez, rener OPAB, o deus kinniget skeudenn nevez ar c'houlzad. Skignet e vo ledan ar 7500 skritell moullet evit ar c'houlzad rak estreget gant Kuzul-departamant al Liger-Atlantel e vo kemeret perzh er skignañ gant ouzhpenn 300 kumun ha kumuniezh-kumunioù pe tolpad-kêrioù.

Lakaet eo bet war wel al lañs a zo gant ar c'helenn d'an dud deuet dre vras hag ar stummadurioù hir end-eeun, gant ouzhpenn 260 den o deus heuliet stajoù 6 ha 3 miz warlene ha 2 lec'h stummadur hir a zigoro er bloaz-mañ : Montroulez ha Sant-Brieg.

An DBY a ra berzh ivez, ouzhpenn 1000 den zo bet o tremen an diplom-Stad-mañ.

Anne Broussot hag Emilie Le Bail o deus kinniget malizenn bedagogel DAO (DaoDaf') a bourchaso dafar evit ar gelennerien d'an dud deuet.

Kavout ul lec'h da zeskiñ brezhoneg ? Pellgomzit d'an niverenn-mañ : 0820 20 23 20 pe kit da glask e lec'hienn an OPAB.

■

Vos commentaires :
Samedi 18 mai 2024

Écrire un commentaire :

Cette fonctionnalité est indisponible en ce moment, mais existe sur votre ordinateur.

Combien font 9 multiplié par 9 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. LES COMMENTAIRES ÉCRITS DANS UNE LANGUE AUTRE QUE CELLE DE L'ARTICLE NE SERONT PAS MIS EN LIGNE.