Tregont den o vale, o kanañ hag o selaou : se oa disul, war roudoù bugaleaj Denise
Pleustret e oa bet kanaouennoù da gentañ gant ar skipailh tud deuet da vevañ ur valeadenn dic'hortoz.
Met buan a-walc'h e oa istorioù an amzer gwechall a zedenne ar muiañ an dud : piv a chome amañ ? Penaos e oa ar parkeier ?
Ha dirak ti Denise gwechall e oa bet peget poltred mamm Denise gant he c'hwec'h merc'h. Peadra evit bout bamet dirak penn sirius ar vamm, ar c'hoar vras, hag ar re vihanañ, leun a fent.
'Kichen poull kannañ sant Tameg e oa bet istorioù all, met ar pres oa war an dud erruout dirak ar mor : evit an digor kalon, hag evit tañva ar sardin mod Molan... gant bara segal hag amann.
■