Gouel sant Jakez digwener evit Diwan

33 gwech kant den a youl-vat o labourat, evel e pep korn Breizh evit ur skol e brezhoneg evit an holl

Lakaat skritelloù, pellgomz d'an holl re evit fardañ krampouezh, sellout ouzh an oabl evit gouzout ma rafe glav... mod-se e vez bevet an hañv e Breizh evit Yann ha Marjan a youl-vat evit kevredigezhioù ar vro.

Klask implij produioù ar vro, bleud gwinizh du Breizh, mont e darempred gant produerien chistr, bier e kichen Kloar. Lakaat tud a oar ober gant kezeg da zont, tud a blij dezho ar gouren, lakaat traktoù war otoioù an dud a zo aet da gourronkañ. Evit an draezhenn e vo ret da Varjan ha Yann gortoz c'hoazh...

Ha degemer an douristed, ha tud ar vro ivez. Evit debriñ asambles, evit dañsal hag eskemm e galleg, saozneg, alamaneg. Evit dastum arc'hant ivez, peogwir, ma ne vefe ket gounezet un tamm arc'hant bep bloaz, e meur a lec'h, e meur a skol, penaos e vefe aet Diwan war raok ? Hag e touez ar skipailhoù tud a gomz brezhoneg en dro, ar re vras hag ar re vunut, evit labourat, evit ar blijadur...

D'ar gwener 25/07 da 7e noz

- pred krampouezh, kotriad, soubenn pesk, far

- gouren, c'hoarioù Breizh

- kelc'h keltiek Kloar, Lanijen

- fest noz gant Kanvaled Kerne, Miniou/Salvar, Billon/Penseg

Evit mont e-barzh : 3 euro