EMGANN BP 70215 22202 Gwengamp cedex www.emgann.org
Bodadeg e Kemper disadorn 25 a viz Meurzh da 2e1/2 dirak ti France Bleu Breiz Izel. Gerval a ra EMGANN - strollad an tu kleiz evit Breizh dizalc'h - da vont da vanifestiñ dirak ti France Bleu Breiz Izel da heul Emglev ar Selaouerien. A-du e savomp gant o goulenn, nemet e fell deomp resisaat hor sav-boent deomp : Ar Stad-C'hall, aozadur kreizennet hag unvan, a nac'h anaout ez-ofisiel ar Vretoned e-giz pobl. N'eo nemet o kas ar stourm war-raok evit anaoudegezh pobl Vreizh e vo savet ha gonezet ganti he frammoù, o c'houzout n'eo ket interestoù ar Stad-C'hall an hevelep re ha re bobl Vreizh. Chom a ra ken ret stourm ha gonit ur chadenn skinwel bublik hag ur radio publik brezhonek war Vreizh en he fezh.
Brezhoneg bemdez, war ar radio hag an tele ! Brezhoneg yezh ofisiel e Breizh !
E anv EMGANN, Yannig Laporte
■