Kan ar bobl : pegen diaes eo dibab...

Bugale kanerien a live uhel a oa ivez ba Tregon, eus Ploeur, Tregon, Penharz, Plozevet, Kemperle ...

Brav an abadenn, kaset propig gant skipailh Tud bro Gonk. Kanaouennoù milvrudet evit «Al labousig b'ar c'hoad», pe «Touri toura» kanet da gentan gant Lagadeg mamm ha merc'h, met ne vern, kempennet e oa gant Loik Jade gant ur biniou bras sonet gant ur plac'h vihan, ha kanet brav

Neuze, trec'h oa bet klas Loik ha klas Arno, rummadoù publik Div Yezh ba Ploeur ha Plozevet. Evit ar re all koulskoude e vez atav ur rann-galon, o tistreiñ d'ar gêr hep ur priz, zoken ma vez roet dezho ur merenn vihan ha madigoù.

Kanet o doa brav, met n'int ket bet dibabet gant ar juri. Ha da noz e ti feurm ar Moros, konkour evit ar re vras. Ha nac'het c'hoazh merc'hed a gane brav, peogwir ne oa ket tonioù bro Gerne Izel : gavotenn ar Menez a oa bet dibabet gant strollad Douarnenez ha strollad Kraon. Hag int da zistreiñ d'ar gêr dipitet, daoust d'al labour brav oa bet kaset ganto.

Ne vefe ket bravoc'h kalonekaat an holl ? Pe, da nebeutañ, lakaat an holl da ganañ asambles pep bloaz, ur ganaouenn a chomfe war lec'h desket gant ar vugale da ganañ bemdez, ha ket nemet devezh ar c'honkour. Erlec'hian ar ger «kevezerezh», gant «kanañ a-stroll evit ar blijadur» ? Ha digeriñ ledanoc'h arzoù bro Traon Kerne pa vez tud yaouank sot gant ar gavotenn ? ...