Teir gwech int tremenet, betek fin ar fest-noz, gant mouezhioù brav, startijenn ha fent...
Mammoù ha mammoù-kozh Diwan eo merc'hed al Loeroù Ruz. Goude div bladenn ha kantadoù a festoù-noz eo ar c'hanerezed ken nerzhus atav. Gant Véronique Bourjeot, disadorn paseet, e oa bet kanet ur sonenn nevez war un ton savet ganti.
Ha plijadur forzh pegement evit an dañserien ! Ha war al leurenn, maouezed en o aez. Abaoe pell dija e vezont o seniñ, oc'h ijinañ paozioù, ha traoù all o do da ziskouez deomp en dazont, a dra sur !
■