Pezh c'hoari nevez liseidi Diwan Karaez : fiskal !

Er Faoued, dindan an heol, e sal oranjez ar skolaj privez, tregont bugel bamet dirak dek lisead o c'hoari

Pempvet pezh c'hoari, leurenniet gant Pascal Cariou hag aozet gant Yann Fanch-Jacq ha liseidi Diwan Karaez, a zo bet diskouezet hiziv. C'hoariet e vo 16 gwech ganto a-raok digwener. Prantad ebet el lise evito, met ul labour start gant dilojadeg an dafar, ar gwiskamantoù hag ur gentel c'hoariva dibar. Arabat dezho disoñjal ur c'hleze, igloo an Inuited, pe kador ruilh an tad-kozh ...

C'hoarzhadegoù e leiz, un Itron Irma strizh ha brav, bugale plijet, petra goulenn c'hoazh ?