Avanturioù Zett, unan eus ar pevar levr evit Priz ar Vugale

Eil levrig skrivet gant Denise Lefranc, pe penaos lakaat bugale a-vremañ da vevañ e 1930

Zett, «Louisette» hec'h anv gwir, a veve en un ti-plouz er bloavezhioù 1930 hag a veze o skrivañ un deizlevr, dizoloet e 2013 gant bugale e-pad vakansoù an Hollsent, e solier un ti vakansoù... Goude «Pikez blev ruz» e vez adkavet fent Denise, maouez 90 vloaz hiziv an deiz, hag a zo atav ken degemerus, ha prest da sikour an holl, ar «re gozh», 'giz ma vez lavaret ganti...

Enrollet e oa bet an destenn gant Sten Charbonneau ha profet e vo, d'ar re a studio al levrig en o c'hlas, enrolladenn glok pevar levr Priz ar Vugale 2014. Evit gouzout hiroc'h : 06 79 14 96 87