Kasit ho skritelloù da Zastum hiziv en Oriant !

Setu Dastum o tastum skritelloù festoù-noz goude bezañ bet kad da gas da benn teuliad an UNESCO

3000 skritell a zo erruet dija. Met muioc'h c'hoazh a vefe mat, gant ur skritell aes eo da lakaat war wel an aozer, an deiziad, an arzourien pedet, ar salioù... Dindan 10 vloaz en doa ar gevredigezh Tamm Kreiz kontet miliadoù ha miliadoù a festoù-noz. Ret eo bremañ mont pelloc'h.

Warc'hoazh er FIL e vo Gaetan, rener nevez Dastum o tegemer an dud e «salon des luthiers» evit dastum c'hoazh, ... met skritelloù ar wech mañ. Gallout a reer ivez kompren penaos mont war Internet evit selaou un darn eus ar 100 000 ton zo bet kaset d'ar gevredigezh. Hervez Ronan Gueblez, prezidant Dastum, se zo an dastumadeg poblek brasañ er bed.