Troioù-Kaer Bolomelen war Difetis!

Ijinet gant Isabelle Le Nabat ha treset gant Envel Kervoas, Bolomelen a zo haroz ur vandenn-treset embannet gant An Here e 2002. E 2012, 3 istor nevez oa bet krouet digoust evit al lec'hienn Webklas.

Er miz-mañ ez eus tu deoc'h adkavout oberennoù klok Bolomelen e stumm niverel war al lec'hienn Difetis.

Kavet e vo ivez evit ar vugale «Ostilhoù Gweltaz» treset gant Fañch Ar Ruz hag embannet gant Keit Vimp Bev. Kont a istor Gweltaz ne gav ket e vorzhol. Mont a ra da glask anezhañ oc'h ober tro e vignoned. Pelec'h 'ta emañ erruet ?

Tu zo ivez pellgargañ pladenn digoust Skol Diwan Pondi : «Kanomp uhel», deuet er maez warlene.

Met ar re vras n'int ket lakaet da gostez, gant Romant-polis «An avel en ho plev» embannet gant Al Liamm ha gounezet an eil priz er priziou 2013.