Krouidigezh Taol Kurun 2013 gant Erik Menneteau

Yen eo er maez, dirak iliz veur Kelven. Met e-barzh, kichen an oaled, emañ strollad Erik Menneteau o pleustriñ hardizh.

Krouidigezhioù Taol Kurun a zo bet e-leizh : ar wech kentañ oa aet Nolwenn Korbell asambles gant Soig Siberil ha Bernez Tangi war al leurenn, se oa e Kemperle. Pedet oa bet Jean-Michel Veillon ivez, gant ar strollad dispar «Toud'sames», traoù brav ken-ken a zo bet gwelet ha selaouet, o laoskel krouerien vrezhonegerien ar vro da gavout o hent hag o c'hoant.

Pell eus krouidigezhioù meur festivalioù bras an hañv, setu bremañ tro Erik Menneteau, Antonin Volson, Jonathan Caserta, Jeff ALuin, Alan Letenneur ha Youenn Lange da brientiñ un abadenn a-feson.