An Diorren Padus mat e Breizh a rank doujañ d’ar brezhoneg
Dre ma ra skouarn vouzar Kumuniezh Komunioù Landerne-Daoulaz ouzh an divyezhegezh, en deus moullet Emglev An Tiegezhioù (E.A.T.) en he flas pegsunioù divyezhek evit ar poubellennoù melen. Mat int evit forzh peseurt korn a Vreizh, da ziskouez penaos didoueziañ an dilerc'hioù : gouzout petra a ranker lakaat et boubelenn velen ha petra na ranker ket lakaat. Kalz e vez anv dre holl eus « Diorren Padus » met er pleustr pa ne bouezer ket warno, ar strollelezhioù foran a ra dre vras skouarn vouzar. Aï 'ta a ra manifestadegoù da c'houlenn traoù 'zo, hag an Ofis a zo aze da sikour an aozadurioù piblik ha prevez da reiñ he flas d'ar yezh. EAT a gav dezhañ ez eus tu da ginnig da bep hini obererezhioù pleustrek-tre da gas an traoù war-raok, oc'h implij an tammig frankiz a vez gant pep hini. Pegsun ar poubellennoù melen a zo unan anezho : ma fell deoc'h kaout unan, kasit 'ta tri euro e stumm timboù pe ur chekenn da EAT Kergreven 29800 Trelevenez.
■Gwir eo e tleer lakaat an araokadennoù broadel da vout tapet war an tomm a-benn lakaat hon yezh da vont war-raok a-wezhioù. Ur wezh graet an traoù n'o deus ket ar pennoù bras nemet d'o gwiriekaat Kement-arall, Stourm Ar Brezhoneg her grae, Ai'ta her gra ha ni her grafe gant ho skritell ivez...
Ra raio berzh obererezhioù a seurt gant ar re-se !
Dav din ouzhpennañ ez eo divyezhek lod eus «skritelloù melen» Kumuniezh Kumunioù Kreiz-Breizh evelkent.