Glenmor ha Clarisse, ar memes pal ?

Kanet brav, leun a vuhez, ha koulskoude ...

Graet e vo ganti tro ar chapelioù ar sizunvezhioù-mañ. Kalonek ar plac'h, aozet ganti an droiad, gant un tog ha pladennoù da werzhañ evit un abadenn digoust evit an arvesterien.

E-pad un eurvezh kanaouennoù e-leizh, a bep seurt,div e brezhoneg, unan bet kempennet gant Dan ar Bras, meur a hini war donioù brudet (Iwerzhon, Breizh, ...). Echuiñ a ra o kanañ Barbara pa oa adgalvet, gouce bezañ bet kanet ganti "Feiz hon tadoù kozh".

Ha neuze, petra a vefe a-dreuz ? Evel Nolwenn Leroy eo Clarisse : gwerzhet e vez mat an traoù "keltiek". Met ar spered stourm, tudoù ? Hervezi, e ya mat pep tra evit ar sevenadur hag ar brezhoneg, tremen a ra plaen.

Brav eo barzhoniezh Glenmor. Glenmor, an den a oa o tufañ war ar veleien a-hed an amzer, kanet e-barzh ar chapelioù ? Glenmor, ur spered stourm evit ar brezhoneg, evit ur raktres politikel gwir ha sklaer ? Distro !