Mammig zo droug enni, gant Mark Kerrain

Présentation de livre publié le 4/07/12 9:59 dans Cultures par Anne-Sophie Leborgne pour Anne-Sophie Leborgne
https://abp.bzh/thumbs/26/26582/26582_1.jpg

Mammig zo droug enni gant Mark Kerrain, skeudennaouet gant Maël Verot.

Dilun em boa kavet

un arzh du oc'h evañ dour

e-barzh ar yenerez.

Sec'hed en doa marteze.

Ha me am boa soñjet :

« Pegen souezhus ! Pegen iskis !

Un arzh du e-barzh ar yenerez ! » [...]

Dimeurzh em boa kavet

ur vuoc'h o tebriñ bara

war an daol e-barzh ar gegin.

Naon he doa marteze.

Ha me am boa soñjet :

« Pegen souezhus ! Pegen iskis !

Ur vuoc'h o tebriñ bara ! »

Neuze em boa kemeret ar vuoc'h

ha lakaet anezhi

war ma gwele da gousket c'hwek.[...]

Poent eo da Nolwenn renkañ he c'hoarielloù met strewet int un tamm pep lec'h en ti ha, bemdez, e kav unan anezhe oc'h ober un dra souezhus. D'al Lun emañ an arz e-barzh ar yenerez oc'h evañ dour ; d'ar Meurzh emañ ar vuoc'h o tebriñ bara war an daol e-barzh ar gegin ; d'ar Merc'her emañ ar c'hrokodil o'n em walc'hiñ e-barzh ar gibell ;...

Un digarez eo an istor ivez evit menegiñ ha deskiñ devezhioù ar sizhun.

18 p. ; 14,8 x 21 cm

4 €

ISBN : 979-10-90456-02-0


Vos commentaires :

Anti-spam : Combien font 2 multiplié par 3 ?