Digoradur ofisiel al lec'h enklask Dastum e Liger-Atlantel

Digoradur ofisiel ul lec'h enklask evit dielloù an enroladennoù graet e Breizh, d'ar sadorn 16 a viz Mezheven etre 10 eur hag 1 eur e Sant Ervlan.

KDSK (voir notre article) - Kreizenn Dafar Sevenadurel Keltiek : 13 straed ar Breolimer, Sant-Ervlan.

– Degemer gant Maripol Gouret, KDSK ;

– 20 vloaz Dastum 44, pol Liger Atlantel liammet gant Dastum ;

– Dielloù an enroladennoù graet e Breizh hag an doare da furchal war ar Rouedad, gant Ifig Troadeg, Dastum ;

– Al lec'hienn «Ouest en mémoire» savet gant an INA, gant Jean-Paul Dibouez, INA ;

– Ar c'henlabour kaset gant Dastum hag an INA, abadennoù radio e brezhoneg, treuskrivadennoù.

An emgav-se, digoust ha digor d'an holl, a zo bet savet e-barzh darvoudoù 40 vloaz Dastum.

KDSK, Dastum 44, INA, Dastum

KDSK a zo ur greizenn dafar sevenadurel keltiek lec'hiet e Sant-Ervlan hag e Gwened. An hini vrasañ eus ar c'hreizennoù teuliaouiñ kevredigezhel e Breizh emañ hiziv an deiz. E-barzh ez eus tu kavaout muioc'h eget 15.000 teul ha 400 titl kelaouennoù war an danvez brezhoneg ha keltiek, e brezhoneg pe e galleg. (voir le site) KDSK