Brezhoneg L.A., Gouel kentañ ar brezhoneg e Liger-Atlantel
Brezhoneg L.A. "Gouel kentañ ar brezhoneg e Liger-Atlantel"
D'ar Sul 27 a viz Mae 2012, e Naoned.
Da-geñver Gouel Breizh e kinnig Ajañs Sevenadurel Breizhek Gouel kentañ ar brezhoneg e Liger-Atlantel : “Brezhoneg L.A.”. D'ar Sul 27 a Viz Mae e vo, e Naoned skwar Jean-Baptiste Daviais, adalek 11 e 30 betek 19 e.
Startijenn pleustr ha deskadurezh ar yezh e Liger-Atlantel a vo lakaet er gouloù. Ur gouel evit an holl, rak digoust eo ha lec'hiet e kreiz-kêr Naoned, e-kichen plasenn Commerce.
« Brezhoneg L.A. » a zo un darvoud digor d'an holl, kement evit ar vrezhonegerien eget evit an dud o deus c'hoant da zizoloeiñ ar brezhoneg, peogwir e vo abadennoù e brezhoneg hag e galleg. Ar gallaoueg en devo e blas gant ur stal titouroù. Kinniget a vo ivez ar gontadenn « La Belle et la Bête » e gallaoueg, brezhoneg ha galleg. Digor vo ar gouel d'ur vro ha d'ur yezh all : Brazil hag ar portugaleg gant ar gevredigezh Ginga Nagô a ginnigo dizolo ar c'hapoeira.
• Digor-kalon gant "Les Sonneurs de Loire" diwar 11 e 30 ;
• Deskoni ha dizolo ar C'hoarioù hengounel breizhek gant ar gevredigezh Plijadur da C'Hoari ;
• C'hoariva e brezhoneg gant ar strolladoù Elektrake ha Joyi ;
• Kontadennoù e brezhoneg, gallaoueg ha galleg gant Armand Tosser, Yann-Ber Quirion, Yves Bourdaud ha Nadine Bénizet ;
• Sonadegoù gant skolidi ar skolioù diyezhek, Daonet (rock breizhek), Tosser Tad ha Mab (kan ha diskan) ha Claude François (e brezhoneg) ;
• Lennadennoù, deskoni ar brezhoneg hag an dañs gant Kentelioù an Noz ;
• Dizolo ar C'hapoeira gant Ginga Nagô ;
• Stalioù titouroù, levrioù ha krouerien : Ar Falz 44 – Skol Vreizh, Bertaeyn Galeizz, Dihun, Div Yezh, Diwan, Ofis Publik ar Brezhoneg, Skol an Emsav ha Skeudenn Bro-Roazhon ;
• Tavarn gant ar vreserezh Coreff ha predoù gant kuzul skoazell skol Diwan Naoned.
Skwar Jean-Baptiste Daviais (Tram ha kirri-boutin arsav Commerce), adalek 11 e 30 betek 19 e. Digoust. Tavarn ha predoù.
Kevelerien :
Ar Falz 44 - Skol Vreizh, Bertaeyn Galeizz, Dihun, Dikadaka, Div Yezh, Diwan,Ginga Nagô, Kentelioù an Noz, Ofis Publik ar Brezhoneg, Plijadur da C'hoari, Skeudenn Bro-Roazhon, Skol an Emsav.
Darempred :
Ajañs Sevenadurel Breizhek : 02 51 84 16 07, acbml@free.fr, www.acb44.com
■