Priz ar vugale ha priz ar yaouankiz : an disoc'hoù a-benn ur miz !

Poent eo echuiñ da lenn an 10 romant kinniget d'al lennerien yaouank gant ar gevredigezh fea hag embannet gant Keit Vimp bev evit an navvet gwech e 2012.

Tostaat a ra votadegoù gant ar vugale hag ar re yaouank er skolioù, skolajoù ha liseoù. Neuze eo bet lakaet daou emgav evit lidañ Prizioù 2012 :

Priz ar Vugale

D'al lun 4/06 da 10e30 e skol Diwan Tregon gant ar re CE2/CM2

Diaes e vo dibab etre "Ur sorserez eo mamm-gozh", "Den bleiz", "ar sarpant bihan" hag "ar Guzhiadell" (Maina Mallejac, Carl Diekman, Armel ar Sec'h, Alan le Faouen)

Priz ar Yaouankiz

D'al lun 11 da 2e goude merenn e Skolaj Henri Wallon, Lann er Ster (e kichen an Oriant). Dibab ar re e 6vet/pevare a vo start : "Tamasheq", "Iskisat breur bihan" pe "Dorn Dir" (Paskal Hervio, Anthony Renaudin, hag Erwan Billant). Hag evit ar re Drede/Termen : "Balafenn houarn", "Kroaz Hent", pe "Tramor son ha ton" (skrivet gant Katell CHantreau ha Patricia Legrand-Peoc'h, Mai Ewen, Moran Dipode, Milena Krebs, Frank Bodenes).

Hag evit ar re o deus raktresoù skrivañ evit 2013, chom a ra betek d'an 8 a viz Mae evit kas ho skridoù ! (mankout a ra skridoù evit Priz ar Vugale dreist-holl)

da gas da afea@laposte.net