12.000 den e Kemper evit gwirioù ar yezhoù bihan

Rapport publié le 31/03/12 22:01 dans Langues de Bretagne par Fanny Chauffin pour ABP
t:0
manifd.mp4

Strolladoù politikel, kevredigezhioù, skolioù, kalz a yaouankizoù a-dreñv karr-samm Aita, hag un nerzh nevez e manifestadegoù Breizh. Evel Nolwenn Korbell o kregiñ he abadenn o lavarout ma ne cheñch ket ar gouarnamant gant doareoù nann feuls e vo ret soñjal ober mod-all !

C'hwitet penn kentañ ar vanifestadeg gant tud o loc'hañ re abred, ha diaes eo bet neuze da vodañ an dud dre vro evel oa bet raktreset. Naoned, divroidi Paris, Bro Leon, Gwened, Treger, ha Kerne evit echuiñ.

Met e kreiz an dibunadeg e oa a bep seurt sonerezh, laz kanañ ramzel gant ur c'hant bennak a ganerien, ur bagad gant ur c'hant bennak a sonerien, ur strollad tud yaouank o huchal "Stourm, stourm, stourm !"

Hag evit echuiñ ur sonadeg dispar gant Nolwenn, Bernez, Les Ramoneurs de menhirs, Tayfa, Gwennyn Louarn, deuet digoust evit skoazell ar yezhoù bihan.

50.000 den o vanifestiñ e bro C'hall a bezh, hag e vo bouzar ha mut c'hoazh pennoù bras bro C'hall ?

■

Vos commentaires :
Mardi 30 avril 2024
Loc’het o deus ar re gentañ war-dro 2 eur hanter, d.l.e. un hanter-euriad diwezhatoc’h eget ma oa bet raktreset. Diase-tre eo bet d’ur c’harr-boutin o tont deus Naoned kavout e hent e Kemper, rak abegoù liesseurt. Daoust da-se e veze an Naonediz e penn-kentañ an dibunadeg etre reoù an UDB ha sonerien Kemperiz anezhe. War-lerc’h? Ne ouian ket… ken niverus e oa an dud – 12.000 hervez-kont war an dachenn, 10.000 hervez kazetennoù zo - ma vije diposubl krenn kaout ur sell hollek, d’ur penn-d’unan all.

Ar pezh zo sur: heol ha peoc’h a veze er straejoù ha war ar plasenn. Startijenn ha joa e kerbenn bro Gernev!

Ma fellfe din rein un tamm testeni e vefe diwar paotred ha merc’hed Ai’ta. Plijus ha fentus an abadennig bet savet gante. Un dra nevez, evid kalz a dud, hag a ziskouez mat eo kreñv polontez tud eus ar vro gwelout paneloù divyezhek e pep-lec’h. Tra ebet distrujet, diskroget nemetken hag ouzpenn-se adroet d’ar melestradurezh evel ma vez lâret en atersadenn graet ganeoc’h.

Ha “Quimper”, pegoulz e teuio da vezañ “Kemper” hec’h añv, evit gwir, adarre?

0

Écrire un commentaire :

Cette fonctionnalité est indisponible en ce moment, mais existe sur votre ordinateur.

Combien font 5 multiplié par 4 ?
Note : Ce lieu est un lieu de débat. Les attaques personnelles ne sont pas autorisées. Le trolling est interdit. Les lois contre le racisme, le sexisme, et la diffamation doivent être respectées. LES COMMENTAIRES ÉCRITS DANS UNE LANGUE AUTRE QUE CELLE DE L'ARTICLE NE SERONT PAS MIS EN LIGNE.