Difenn sevenadurioù ha yezhoù "bihan" ar C'hwec'hkorn ha goulenn digant ar Stad anavezout anezhe

A-benn an 31 a viz Meurzh 2012 e vanifesto miliadoù a dud evit difenn sevenadurioù ha yezhoù « bihan » ar C'hwec'hkorn ha goulenn digant ar Stad anavezout anezhe. Dalc'het e vo ar vanifestadeg-se en un toullad kêrioù hag adlâret a ra kevredigezh Bretoned Sant Gwilherm he souten d'ar yezhoù rannvro evit ma vefent lakaet war-wel hag evit ma chomfent yezhoù implijet gant an dud.

Soñjal a ra dimp ne vezont ket kemeret e kont evel 'zo dleet hirie an deiz : mellad 75-1 ar Vonreizh a anavez ar yezhoù rannvro evel ul lodenn deus glad Frañs met chom a ra dibosubl da implijout anezhe er vuhez foran evel ma vez graet gant ar galleg.

Ur riskl a zo neuze d'ober rannyezhoù eus yezhoù ar C'hwec'hkorn ha na vefent implijet nemet gwech ha gwech all er vuhez foran, e-kichen ar galleg. Ar fed na vefe lezenn ebet war ar sujed-mañ a laosk an dud a gomz ar yezhoù-se a-gostez.

Bretoned Skiantoù Po' o deus bet un tañva eus ar gudenn-se p'o doa savet o c'hevredigezh : hervez kont ne oa ket urzh dimp d'en ober en div yezh, brezhoneg ha galleg. Ar velestradurezh n'he doa roet an tu dimp d'en ober nemet da c'houde ur pezh tabut war dachenn al lezennoù... ha c'hoazh e voe bet roet dimp evel ma vefe un dra dister.

Abalamour d'an holl draoù-se e tibuno dileuridi eus ar gevredigezh dre straedoù Kemper, evit reiñ un testeni deus al labour kaset da benn gant ar gevredigezh abaoe 2010 asambles gant dilennidi, kevredigezhioù, kelennerien, melestradurezh Skiantoù Po' ha pennoù bras eus ar vuhez foran.

Bretoned Sant Gwilherm

Skiantoù Po' - IEP Pariz

bretons.sciencespo@gmail.com

27, straed Sant Gwilherm

75 007 Pariz