Diwan : prezegennoù gant Gilbert Dalgalian d'ar Sadorn 17 a viz Meurzh e Naoned

« Spletoù an divyezhegezh hag al liesyezhegezh”

Prezegennoù-kendivizoù gant ar c'helenner Gilbert Dalgalian

D'ar Gwener 16 a viz Meurzh 2012, da 8 e 30 noz e Pornizh

D'ar Sadorn 17 a viz Meurzh 2012, da 10 e, e Naoned

Ur binvidigezh hag ur chañs eo komz meur a yezh disheñvel. Tu a zo deomp kinnig ur skoliataerezh divyezhek d'hor bugale.

Petra a vez kinniget el Liger-Atlantel ? Komz a ran ur yezh all estreget ar galleg, daoust hag-eñ e c'hellan komz gant ma bugel er yezh-se ? Pegoulz eo ar mare gwellañ evit kregiñ ? Pere eo perzhioù mat an divyezhegezh ez-vihan ? Daoust hag-eñ e c'hell ur c'houblad unyezhek reiñ ar chañs d'e vugale da heuliañ ur skoliataerezh divyezhek ? Daoust hag-eñ ez eus ur riskl e veskfe ar bugel an div yezh ? Pehini eo soñj an Deskadurezh-Stad ?

Gant Gilbert Dalgalian e vo respontet d'ar goulennoù-se, d'ar Gwener 16 a viz Meurzh e Pornizh ha d'ar Sadorn 17 e Naoned.

Gilbert Dalgalian

Yezhoniour, kelenner, bet rener pedagogel an “Alliance Française” e Pariz, ha skrivagner (« Enfances plurilingues, Témoignage pour une éducation bilingue et plurilingue » en Embannadurioù l'Harmattan, « Reconstruire l'Éducation » en Embannadurioù an Amzer) eo Gilbert Dalgalian. Diskouez a ra deomp e c'hell pep bugel dont da vezañ divyezhek dre un doare plijus hag un aergelc'h pozitivel, deskiñ yezhoù all en un doare naturel, efedus ha buan.

Skolaer e Pariz, kelenner galleg yezh estren e Calcutta hag e Berlin, kelenner alamaneg ha klasker war gelenn ar yezhoù e Zurich, doktor war ar Yezh (Skol-Veur Nancy II), stummer kelennerien e Bro Senegal, e Aod an Olifant (UNESCO) hag e Munich eo bet. Labourat a ra muioc'h muiañ war an deskiñ yezhoù abred ha war an deskadurezh dre vras. Gilbert Dalgalian a stourm evit ma vefe cheñchet an doare da zeskiñ ar yezhoù hag evit ma vefe digoroc'h ar skol war ziorren ar vugale hag an teknologiezhioù nevez…

« Spletoù an divyezhegezh hag al liesyezhegezh”

Prezegennoù-kendivizoù gant ar c'helenner Gilbert Dalgalian

D'ar Gwener 16 a viz Meurzh, da 8 e 30 noz, e Pornizh,

sal Macé, plasenn Jean Macé (tost d'ar c'hoc'huioù)

Digor d'an holl

Kinniget gant ar gevredigezh « Evit ur skol Diwan e Pornizh e miz Gwengolo 2012 »

Darempredoù : 06 29 47 23 59 pe diwan.pornizh@gmail.com

D'ar Sadorn 17 a viz Meurzh, da 10 e, e Naoned, sal Joliot Curie, 65 Bali

Joliot Curie

(Busway lec'h-ehan Clos-Toreau / Bus 42 lec'h-ehan Saint-Jacques 1)

Digor d'an holl

Kinniget gant Skol Diwan Naoned e liamm gant ar raktres digeriñ un eil skol e Su Naoned e miz Gwengolo 2012

Darempredoù : Contact : 02 51 80 50 32 & diwan.naoned@yahoo.fr

www.diwan44.org