Douarnenez: un eil stummadur evit kelenn d'an dud deuet

E Douarnenez e vo digoret un eil stummadur «Kelenn d'an dud deuet». Evel hini Karaez e vo dalc'het etre ar 15 a viz Mae hag an 03 a viz Gouere 2012. Seizh sizhunvezh stummadur o teskiñ (301 eurvezh) ha div sizhunvezh pleustrek a yelo d'ober anezhañ. Pal ar stummadur eo pleustriñ ha mestroniañ an teknikoù kelenn d'an dud deuet, hentennoù an «Deskiñ Fonnus» («Accelerated Learning») hag an hentennoù muiañ-implijet en o zouez. Gant ar C'huzul-Rannvro e c'hell bezañ kemeret e karg koust ar stummadur evit an dud dilabour, gant fontoù-stummañ evit ar c'hopridi. Kement ha gouzout hiroc'h e c'hellit mont e darempred gant Roudour ( roudour2@wanadoo.fr - 02 98 99 75 81).