Raktres eil skol Diwan e Naoned : emvod foran
Abaoe un tregont vloaz bennak ez eus skolioù Diwan e Liger-Atlantel, kelenn divyezhek brezhoneg-galleg dre soubidigezh. E Naoned da gentañ (1978) ha goude e Sant-Nazer (1991), Gwenrann (1999) ha Savenneg (2009). Digoret e oa bet dorioù Skolaj Diwan Liger-Atlantel e Sant-Ervlan e miz Gwengolo 2008. A-benn respont d'an dud dedennet eo bet savet daou raktres er mare-mañ gant un digoradur e miz Gwengolo 2012 : e Naoned, evit un eil lec'h e kreiz-kêr pe e Su-Naoned hag e Pornizh ivez evit ul lec'h kentañ. Mont a ra ar raktresoù-mañ war-raok peogwir ez eus bugale rak-enskrivet dija.
Pedet oc'h d'un emvod publik evit kelaouiñ war ar skolioù laik-mañ, digoust ha digor d'an holl vugale adalek daou vloaz.
E Naoned d'ar Sadorn 21 a viz Genver da 10 e, Sal Joliot-Curie, 65 bd Joliot-Curie. (Busway lec'h-ehan Clos-Toreau / Bus 42 lec'h-ehan Saint-Jacques 1).
E-pad an emvodoù e c'halloc'h dizoleiñ rouedad Diwan, mont en dro hor skolioù, hag ar bedagogiezh lakaet e pleustr eno. Tro hor bo da vezañ e darempred gant ur skolaer ha tud ar vugale.
Skol Diwan Naoned : 02 51 80 50 32 – diwan.naoned@yahoo.fr
■