Nevez embannet : “Beaj Owen” gant Armel Le Sec'h, kinniget e Gouel al levrioù e Karaes
Romant kentañ Armel Le Sec'h eo, « evit ar re yaouank hag ar re chomet yaouank », eme-hi.
« Owen eo va anv. Ranket am eus tec'hout kuit diouzh va bro, Breizh-Veur, dirak ar Saozon, da vont da chom e Breizh-Vihan. »
« Ur bugel e oan c'hoazh pa oan aet kuit war vor, asambles gant Gwennin he blev ruz, ur gaer a blac'h. Diouganet e oa bet deomp gant ar sorserezh e chomfemp bev daoust d'ar gwall-amzer, d'al laeron-vor ha d'ar Franked. »
« Skiant e leizh am eus tapet en ur vont, a-drugarez da Weltas, abad Lokentaz, en deus heñchet ac'hanomp. »
« E dibenn ar veaj ne oan ket ur bugel ken... »
Skeudennoù blizidik-tre a zo gant Erwan Le Sec'h, mab an oberour.
Ul livourez brezhon a vicher eo Armel Le Sec'h. Krouet he neus ar gevredigezh Poellgor an Tarv, an divyezhek Poellgor Arzoù Breizh.
« An divyezhegezh, en Arz, evel er sonerezh, a zo un Awen, rak du-se eman stivell hor personelezh. Digor-frank war ar bed eman ivez, en abeg d'al lans spered a ro tro da zeskin kalz a yezh all... »
Roiñ a ra ivez Armel kaozeadennoù e brezhonneg pe e galleg diwar Arz Breizh hag hon identelezh (voir notre article) e brezhoneg, pe (voir notre article) e galleg.
(voir le site) ha (voir le site)
Embannet gant Skol Vreizh e Montroulez.
ISBN : 978-2-915623-85-7
EAN : 9782915623857
18,5 x 12
80 pajenn
(voir le site) diwar Skol Vreizh.
Da welout ivez (voir notre article) e galleg.
Maryvonne Cadiou ha Skol Vreizh.