Pa ra glav: ul levrig nevez-flamm evit ar vugale e Gouel al Levrioù
Setu ul levrig nevez-flamm evit ar vugale o reiñ meuleudi d'ar glav. Kavet e vo war stand Kuzul ar Brezhoneg e-skeud Gouel al Levrioù an dibenn-sizhun-mañ e Karaez.
Na pegen brav 'vez an disglaverioù a bep seurt liv er straedoù, na pegen plijus gwelet ar gwez o c'hlasaat ha sellet dre ar prenestr ar glav pil oc'h ober hep ankounac'haat mont da c'hoari er poulloù-dour !
Al levr-mañ skrivet ha skeudennaouet gant Leire Salaberria en deus bet priz kentañ priz V Premio Etxepare 2011 ar gwellañ levr savet en euskareg evit ar vugale.
Troet eo bet e brezhoneg gant R. Kervella hag embannet gant An Alarc'h embannadurioù.
36 p. ; 24,5 x 21,5cm ; golo kartoñs ; 10 € ; ISBN : 978-2-91-6835-30-3
■Pa deuler ur sell war ar strobad-pennadoù skrivet e brezhoneg e weler a-walc'h ne vefe dedennet Yann vrezhoneger nemet gant ar bidennoù hervezoc'h.
Da petra skrivañ pennadoù-skrid hag a denn nemet d'ar sevenadur hollek ha kultur ar furlukined pa ve darn vrasañ ar Vrezhonegerien tud hag o deus poaniet evit deskiñ yezh, ha neuze, tud furoc'h ha desketoc'h eget ar re all ?
Klask a reomp pinvidikañ hor yezh ha lakaat anezhi da vont war wellaat e-ser deskiñ traoù dispar...Ne reomp foeltr kaer -respet deoc'h- eus darvoudoù mat evit bourc'hizien ha skolaerien an tu-kleiz !
Perak na gomz eus mennozhioù an Emsav, eus ar politikerezh, eus an etrekeltiegezh, eus an enklaskoù aozet gant Preder hag Imbourc'h evit a sell ar sturyezhoniezh, eus implij ar brezhoneg en Iliz, eus an drouizelezh e yezh hor broad ? Yezh hor spered eo ar brezhoneg hag e fellfe dimp adkavout spered Breizh en ho pennadoù. Darbet e oa din kouezhañ diwar ma c'hoazez p'em eus merzhet ne gomzit dimp nemet eus stummoù lec'hel sevenadur difeson Pariz ha ne vern pe wisket e vefent e brezhoneg...Ha meur a fazi hag a drefoedach en o zouez, ouzhpenn-se...
Ha kontet hoc'h eus dimp eus pempvet rann Geriadur ar Vezekniezh digant Gi Etienne da skouer ? Boued a zo da gavout ennañ koulskoude (diwar-benn gerioù an heñvelreizh ha traoù all)...
Berr-ha-berr e c'hellor lavarout ez eo borodus ho pennadoù brezhonek amañ hag emichañs e teuio bravoc'h ganeoc'h en amzer da zont (dedennusoc'h c'hoazh pezh a skrivit e gallaoueg d'am meno)...