staj c'hoariva 3

"Stajoù c'hoariva digor d'an holl"

Digor d'an holl, komedianed amatour hag a-vicher, d'an dud o deus c'hoant dizoleiñ ar c'hoari pe mont pelloc'h ganti.

Evit an eil bloavezh e kinnig ar c'hevread C'hoariva un heuliad tri staj war ar C'hoariva. Labouret e vo war ar c'han hag ar mod da lâr an traoù e brezhoneg en teatr.

Liammet eo an tri staj an eil re gant ar re-all. Gwelloc'h eo kemer perzh e pep hini anezho met gallout a rit ober ur staj hepken pe zaou.

"PROGRAM AN TREDE STAJ"

" AR GOMZ HAG AR C'HAN, Deus ar choari d'ar c'han, deus ar c'han d'ar c'hoari" gant Nolwenn Korbell

D'an 21-22 a viz Genver 2012 – Molan - Kreizenn sevenadurel An Ellipse (Festival Taol Kurun)

Ar c'homedian a-wechoù 'n dez da c'hoari ha da ganañ er memes pezh c'hoari. Penaos tremen d'ur c'hoari komzet, d'ur c'hoari kanet ?

O c'houzout e ranker chom ar memes tudenn, o c'houzout e ranker dec'hel evez an dud a-hed an amzer, o c'houzout e c'hoarvez un dra disheñvel pa ganer.

Penaos mestroniañ hag asumiñ ar mod iskis ha sañset "dinaturel"-se ?

An teknikoù implijet vo tamm pe damm ar memes re 'vit reoù ar staj kentañ, mui poelladennoù war ar c'hoari hag an ijin.

Labouret vo war tammoù pezhioù c'hoari (dibabet en a-raok asambles gant ar stajidi) ha vo lakaet enno kanaouennoù a gloto gant digouez hag istor an taolennoù eveljust.