Arouez Kastel Nevez 2011 : ar c'houblad Geoffroy/Kere

Yaouank, leun a startijenn, brav ha mousc'hoarzhus, brezhoneg yac'h ha dañs kanet brav ganto, aze e oa evit an holl, dañserien hag arvesterien, an amzer nevez o vleuniañ !

Ur sapre aozadur, ur vandennad tud a youl-vat feal ha labourus, ha setu Kastell-Nevez ar Faou kêrbenn sonerien ha kanerien Vreizh...

Breizh, emit-hu ? Pe Breizh-Izel kentoc'h ? Pa weler listennad an 40 koublad, n'eus nemet daou goublad kanerien a zo eus Breiz-Uhel (Olivier/Simon ha David/Huguel). Koulskoude n'eo ket kanerien Bro-C'hallo a vank : e Bovel e vint niverus-tre en dibenn-sizhun o tont... Met ken niverus eo ar sonerien biniou-bombard ha kanerien kan ha diskan ivez !

Met, ne vern, gourc'hemennoù d'an aozerien, d'an dañserien ha d'an holl re a zo bet gouest da lakaat un darvoud ken talvoudus e plas !