Herve Lossec asambles gant Nolwenn Leroy

Tro Breizh, Pariz, ne baouez ket Herve Lossec da foetañ bro. E Brest e oa gant Nolwenn Leroy.

Sinet e oa bet dezhi gant Herve Lossec al levr "Bretonnismes", just a-raok abadenn Nolwenn Leroy e Brest, e sal "La Carene". Ha hi da lavarout : "Breizhadez ha Bretonnismes, memes stourm !".

Diaes eo koulskoude disoñjal ar pezh he doa lavaret e France Bleu Breizh Izel en abadenn "Krampouezh pe un tamm bara amann ?" :

« - Degemer mat », en doa lavaret buhezour a radio.

« - Excusez-moi, je ne suis pas bien réveillée. Qu'est-ce que vous dites ? » a respontas-hi.

Gwir eo, se 'oa e-kreiz ar goañv, ha ne oa ket bet desket c'hoazh ar brezhoneg ganti. Neuze, Nolwenn, kendalc'h da zeskiñ ha degemer mat ! Gant ma vi gwelet o tifenn ar brezhoneg e gouelioù ar vro e-pad ar bloaz.