«Ar forzhioù a gomz» gant Eve Ensler, troidigezh Ninnog Latimier
Eve Ensler a zo bet ganet e 1953 er Stadoù-Unanet. Savet he deus “The vagina monologues” e 1996 ha c'hoariet eo bet ar pezh e Broadway da gentañ hag abaoe koulz lavarout er bed a-bezh.
Hollvrudet ez eo bremañ ha troet eo bet en un hanter-kant yezh bennak. Da-heul he deus krouet an aozadur V-day gant ar pal reiñ ar gomz d'ar merc'hed ha difenn anezho a-enep ar feulster a c'houzañvont re alies.
Gouzout a ra Eve Ensler, en he skrid, rentañ gant fent ha from al levenez bezañ plac'h ha dreist-holl ar stourm o deus ar merc'hed da ren evit bezañ dieub war dachenn o seksualegezh.
68 p. – 12 x 19 cm – Here 2010
ISBN 978-2-916835-21-1
8 € (+ 3 € a vizoù-kas)
Skignet war-eeun gant An Alarc'h
An Alarc'h
14 rue du Muguet
22300 Lannuon
pgz : 02 96 48 03 00
kab@brezhoneg.org
■